Pilekurs med Klara Pil vel gjennomført :)

For ei helg vi har hatt her i Sjarmhagen! Eg kjenner meg framleis varm i hjartet og litt sånn småglad i heile kroppen. Vi har hatt besøk av den utruleg dyktige og herlege Klara Pil, og eg må berre seie det: eg anbefalar henne på det aller, aller sterkaste. Ho har ei ro, ho er litt streng, og ho har ei glede og ei kreativ kraft som smittar over på alle rundt henne.
Helga starta med korgfletting frå fredag til laurdag, og det var så kjekt å sjå kor ulike og flotte korgene vart. Alle sat der med konsentrerte fjes, latterkuler innimellom — og den gode kjensla av å lage noko med eigne hender. På søndag var det lyslykt‑kurs, og då vart vi faktisk ein ekstra deltakar også! Ho hadde så lyst å vere med, og sjølvsagt skvisa vi henne inn. Dermed var vi ti stykk, og det gjekk heilt fint — berre endå meir liv og glede i hagerommet. To var i drivhuset, tre var i hagahuken, tre var i teltet vi hadde rigga opp for anledninga, og eg sat under parasollen. Det gjekk litt hardt ut over fingra til tider men vi klarte det!
Og så må eg berre få skryte litt av Kristian: han serverte heimelaga kjeks med ost, og det var så godt at folk nesten gløymde å flette. I tillegg kom den ekstra gule mormonsen, så gul og fin takka vere våre sjølvhaldte høner og dei flotte egga deira. Det er noko heilt spesielt med mat som kjem frå eigen hage og eigen flokk — det gir ei ekstra kjensle av heim og varme.
Veret var meldt dårleg, men vi fekk faktisk solglimt og opphaldsver! Det gjorde heile helga endå koselegare.
Vi sat der blant mine heimesådde planter, med høner som kakla, hanen som gol innimellom, og to søte cavalierar som svinsa rundt — sjølv om dei eigentleg ikkje hadde lov. 
Alle laga så flotte korger og lyslykter, og vi sat der og var såå stolte!
​Det er noko heilt spesielt med slike kurshelger: fellesskapet, kreativiteten, den gode stemninga, og gleda over å lære noko nytt saman. Eg kjenner at dette er ei helg eg kjem til å leve lenge på — og eg håpar vi får til mange fleire slike stunder her i Sjarmhagen 🌿✨