Eg var jo heilt sikker på at minst ei av hønene skulle legge seg klukk då eg begynte å sjå meg om etter befrukta rugeegg for sesongen....men nei....?
Egga blei funne, kjøpt, sendt og kom på rekordtid og eg tenkte at jaja, eg håper at ei rugehøne rekk å legge seg klukk. Å legge seg klukk betyr at ho vil ruge ut kyllinger og legg seg til å ruge. Ho bør ligge minst ei veke, helst 3 før man kan prøve å introdusere nyklekka kyllinger, altså lure ho til å tru at dei kom frå egga ho låg på. Om ho nettopp har lagt seg klukk kan man gi ho rugeegga så ruger ho dei sjølv. 
Ingen klukkhøne kom altså til Sjarmhagen så eg ruga dei ut i inkubator. Rett før klekkdagane starta så la jommen meg ho "Grå" seg klukk. Ho hadde hatt tilbøyeligheiter nokre veker tidligare men ikkje noke meir skjedde.
Men sååå la ho seg altså klukk. Skulle eg tøre å introdusere kyllinger til ho? Ekspertane sei NEI! Og eg er jo enig men samtidig...har jo hørt om høner som KAN vere lettlurte/ekstra moderlige ;)
Så eg prøvde!
Først gav eg ho eit egg som hadde pippa høl på seint en kveld. Det var veldig mykje lyd nemlig frå dette egget. Sidan høner kommuniserer med egga før dei klekk for å bli kjend og for å forberede ho ut av rugetransen og over i neste fase som er moderligheitsfasen. ( altså eg veit ikkje kva det heiter men vi kaller det det her ;)) Med å høyre på egget så blir ho optimistisk og kanskje klar for å bli mor fortare enn ho hadde tenkt. Vanligvis tek det jo minst 21 dager og ikkje 4 :P
Neste morgon bytta eg egget med ein kylling som var nyklekt men førlig på beina. 

 Ho freste skikkelig til meg men blei forvirra av pipinga..... Eg stod der litt med hjertet i halsen...ville ho godta kyllingen eller myrde den?
Du kan sei eg ofra livet til den for dette kunne lett bli katastrofe.... men eg følte på meg at dette kunne gå bra.... Ho kakka han litt hardt i haudet som ho først prøvande sjekka om dette var eit grusomt insekt som måtte drepe..... kyllingen skreik til for han fekk nok vondt. Så peip han litt prøvande men desperat til ho.....
Ho starta å klukke (det er eit GODT TEIKN)....ho sa klukk klukk.......klukk klukk!
Så løfta ho på fjæra og eg lurte på om det var for å advare før neste kakk kom! Men nei det var for å sjå om han kom under ho igjen! Ho gav han eit litt vennligare kakk i haudet og han då for lydig inn under den nye mor si !!!!
WOW!
Så venta eg i spenning bak døra og såg på kamera....
Eg heldt fortsatt pusten i minst eit døgn til før eg sakte men sikkert pusta ut.....ho ville bli MOR!
Etter eit par timer så la eg inn to kyllinger til og til neste natt to til. Dei siste to no i kveld. På kamera ser det ut til at ho godtek desse også så no er det gjort.... herved har eg døypt ho om til 
flinke "Gråmor" <3

Då kom alle påskekyllingane ut, unntatt 1 egg av dei 9 vi hadde igjen som var levande fortsatt av 12 postordreegg. Det er heilt utrulig igrunn at vi har fått 8 stk kyllinger og så langt er alle friske og fine. Eitt av maransegga var til og med starta på badegolvet, tenk det! Når det er avslørt så må eg sei at det var kun pga av krisetilfellet, og badegolv er absolutt ikkje å anbefale, for det gjekk gale med det andre som elles kunne vore ein velskapt kylling.... Les meir under om du tør ...
​Brinsea inkubatoren har ikkje skuffa denne gongen heller, så den anbefalast. 

Marans egga måtte eg hjelpe ut og det har eg måtte gjort før med marans også.  Dei hakka hull på egga sist i rekka og på dag 22 og blei klekka på dag 23.
Dei første ut var Cream Legbar-jentene (pippa dag 20), begge to velskapte og fine, og jenter på dag 21! Desse er kjønnsvisande ved klekkk. Det tredje egget her kom aldri så langt at det pippa hull :( 
Så kom Silverudd Blå-kyllingane ut på rad og rekke, men den eine måtta ha litt hjelp. Den pippa først hull, men etter eit døgn skjedde det ikkje meir så eg måtte hjelpe den ut. Den kom nemlig ut i feil ende av egget og hadde derfor litt trøbbel. Meget mulig den ikkje hadde klart det åleine....slikt kan lett skje med postsendte egg. Det er derfor vi alltid kjøper 12 stk sjølv om vi ikkje treng meir enn halvparten :P

For den som er nerd som meg vil kanskje vite at dei andre 3 som ikkje klarte seg, stoppa utviklinga på dag 5, ca dag 8 og ein var ubefrukta/tom. Den siste der som ikkje klarte seg, som starta altså på badegolvet, hadde desverre nokre av tarmane på utsida og det er typisk temperaturtrøbbel.... så ... ikkje for sarte sjeler desverre :(

Nyt bilda under og i morga skal eg fortelle enda ei gladnyheit ...håper eg :)  

Eg har bestemt meg.....klarer ikkje å dy meg... no har eg bestilt rugeegg igjen :)
Dette blir tredje gongen vi prøver under ei klukkhøne og fjerde gongen i inkubator, så tvi tvi :)

• 12 egg skal kome med postpakke frå Trøndelag! Det er stor risiko med postsendte egg, men vi satser på at noken kan bli kyllinger av det. Ved postgang kan nemlig enkelte bli ødelagt men vi tek sjangsen igjen i år :)
• No skal eg berre få vaska ut av hønsehuset så der er reint og fint etter vinteren. Vi bruker strø-metode som blir delvis talle og det fungerer kjempefint. Det er ca eitt år sidan sist eg tok ut alt av hønsehuset, og enda så er det tørt og fint og nesten luktfritt der inne.
• Så skal eg legge att nokre egg i den innerste rugekassa slik at eg trigger ei høne til å bli klukk. Håper det kan bli Søta eller Gulla som er av rasen Orpingtons. Dei er store og moderlige av natur og er høgt på rang.  Dei kan også ha god plass under seg om det kjem mange kyllinger til.
• Når postegga kjem skal dei kvile i eitt døgn, og så skal eg ha nokre i inkubatoren og nokre under ei forhåpendtligvis klukk høne.
• Rugehøna skal få sitt område litt avstengt slik at ikkje dei andre kjem og legg sine egg oppå, eller noke anna tull som at egga blir trampa i hel, eller lignande. Eg bruker litt hønsenetting og eller kompostgrinder. Dei andre hønene vil ha tilgang til dei to andre rugekassene eg har. 
• På ca dag 11 skal eg lyse egga og ta bort ev dei som ikkje er liv laga.
• Når det nærmer seg klekking på ca dag 18 skal eg legge alle egga under høna, også dei i inkubatoren. Ei orpington kan ligge på ca 10 egg om ho er erfaren og eg regner ikkje med at vi har så mange på slutten av rugetida som er ok, men tvi tvi. Håper vi har minst halvparten av dei i gang.
• Når egga er klekte så sett eg inn mat og vatn til kyllingane og mor. Der vil dei vere dei første dagane (første veka)
• Deretter får dei bevokta uteturer med meg til dei er ca 3 veker gamle og er raskare på vingane. Eg må fortsatt passe på når dei er ute for skjor og katt er raske dei og.
• Når mor er  lei dei ved 5-7 vekers alder veit eg kva kjønn dei eventuelt har og kan velge meg ut dei hønene og hanane som skal få bu her permanent. Haner blir oppala til middag her i gården eller om eg får gi dei ein annan heim så får dei flytte. 
• Dei hønene (og ev haner) som eg ikkje vil ha att sjølv,  skal bli seld som unghøner. Dei vil starte å legge egg på hausten :)

Bildet er tatt no i kveld i tussmørket (med litt raudt lampelys) men sjå her da... Pingu sitt på ryggen til mor-Søta og Gulla har tatt Susie, Flekkfrid og Lille grå under vingane. Rocky ser veslevaksen ut... 

Her kan du sjå kor fin hagen min har blitt denne deilige mai-månaden som har vore som ein liten sommer!
Det er mykje om kyllingane som no er frå 1 til 5 veker og veks som ugras :)
Så kan du sjå korleis det veks rundt om i hagen og i drivhuset.
Det er også nokre tips om korleis man kan forynge slike små hagegjerder i metall ;)
Eg har også filma litt det nyaste prosjektet: ein hagesti i hønsegården som blir fin å gå på.
Håper du liker denne videoen, og husk å gi meg en tommel opp da så bidrar du til å halde humøret mitt oppe, og gi algorytmene sjangsen til å foreslå videoen min til andre hageglade! :D 

Dei får ut på luftetur ei lita stund kvar dag som veret er fint og det har det vore no dei første vekene. Vi har vore heldige med stort sett 10 til 17 grader og det har vore ganske tørt. Eg sitt og passe på dei så ikkje skjora og katter snapper til seg ein liten ein. Hønemor storkoser seg ute så når ho må inn igjen må ho nesten tvingast litt. Då tek eg ein kylling eller tre med meg inn så ho går inn etter dei. Etter ca ei veke klarte dei å gå opp etter ho.  Men det gjenstår at dei skal lære den store hønetrappa i gården....det tek nok nokre veker til så til då må eg lokke og lure dei inn.

Fredagskveld henta eg ein kylling som var tidlig ute av egget. Det var dag 26 for høna med sin eine kylling. Eg satte den nye foran høna og ho berre såg på den i tre sekund før ho letta på skjørtet og tok han under seg :)
Neste kveld var resten av flokken komt under høna på same viset. Ein etter ein berre skupa seg under ho og ho klukka fornøgd. Ei orpingtonhøne er vanligvis ei god mor sei dei så intensjonen har ho iallefall. Desverre døde ein av nykyllingane under ho første natta og den blei nok kanskje klemt fast under ho.... sånn er livet.... ikkje lett for ei fersk hønemor. No håper vi at resten går på skinner og at 8 fine kyllinger kan vekse opp hos oss i Sjarmhagen denne våren.

Vi har fire gule derav ein muligens er Sussex. Så har vi svart"stripa" Rocky som er Amrock. Resten er blanding av Brahma, Sussex og litt diverse. Dei ser ganske så Brahma ut då dei fleste har lett fotbefjæring allerede :)

Vi har gjort som førre gong, latt hønemor få ein skjerma del av hønsehuset for seg og kyllingane dei første par vekene. Etter det går det fint å ha dei sammen har vi erfart i vår flokk. Det kan bli litt småkakking men det berre for å halde orden på rangordninga i slike hendelsesrike perioder. Alle må vere trygge på å ha sin plass. Kyllingane vil normalt sett ha same rang som hønemor. Det hadde vore lettare for hønemor "Søta" om ho hadde høgare rang men man må ta det som det er ;)

Det blei ein trist klekkeprosess dette. Det er kun ein som har overlevd av dei 5 egga som var liv i etter dag 18. Det at ho gjekk av egga og dei fekk så ujamn temperatur under ruginga gjorde at det blei feil timing på mykje som må skje heilt rett for at kyllingen skal overelve. Fleire her fekk blandt anna ikkje trekt inn plommesekken før den var ute, noke som resulterer i at den ikkje får matpakken sin med seg ut i verda.  Det var ein slik som såg ut til å klare seg lenge men etter ca eit døgn så døde den. Dvs eg såg det gjekk dårligare så eg lot den sleppe. RIP lille gule....
Men ein kylling klarte seg supert og han ser sterk og fin ut. Sjølvsagt måtte det vere ein hanekylling.... uflaks :P
Vi kaller han for Rocky sidan det er ein Amrock-kylling :)
Han blei født på dag 23. 

Eg har no bestilt nyklekte kyllinger som straks er ute av inkubatoren hos ein gard 8 min herfrå som eg skal prøve å få hønemor til å ta til seg. Han kan jo ikkje vekse opp heilt åleine...

​TVI TIVI

Endelig kom boka til Elin Breivik om Hobbyhold av høns og fasaner.  Her skal det kosast med faglig input, gode råd og riktig stell av høns!
Skal du starte med høns så er det nydelig lurt å lese denne boka ;)