No ligg det 3 amrock egg under høna. Trur du ikkje at ho sparka ut ett av egga da?
Jo....og eg begynner å lure på om ho ferske unghøna her er klokare enn ho ser ut til  for eg trur det ikkje er liv i det egget. Eg la det i inkubatoren før det rakk å bli kaldt så tida får vise. 
Så då har eg 4 egg i inkubatoren der 1 av dei er så mørkt at eg ikkje ser noke. 2 av dei er fulle av liv og dei er blå :)
​Det er  Dag 10 når eg lyser desse :

Eg trudde jo det var Hettie som skulle legge seg klukk men nei ho har tatt pause frå dette mammalivet tydeligvis. Brått var det Søta som låg ein heil kveld og natt inne i rugekassa på dei kunstige egga eg la der. Men neste dag spratt ho opp og var like blid. Falsk alarm tenkte eg... Det kunne jo vere at sidan ho er så ung og fersk i dette gamet at det kunne gå gale. Men no har ho altså lagt seg til igjen og no ligg ho der med ulmt mammablikk og kakker meg på fingeren om eg prøver å nærme meg. Så blæs ho fjøra opp og hylefreser litt advarande på meg om eg ikkje forsvinn. Ho ligg som i transe og har nok tenkt å ligge der. I går kasta ho faktisk ut det store tre-egget frå kassa....jommen trur eg ikkje at ho avslørte at det er falskt!
I kveld la eg inn eit av dei befrukta rugeegga og i morga får eg sjå om det ligg der fortsatt. Om alt går bra får ho 3 egg amrock til som no ligg i rugemaskina og blir varme og gode. 
Eg har kjøpt 4 amrockegg og 4 blandingsegg. Amrock er litt seine å klekke så dei får ein tjuvstart på ein dag. Så i morga legg eg inn i maskina dei 4 siste som er blandingsegg av Maran/Amrock/Cream Legbar og Welsumer blandt anna.

Bilder av egga eg har kjøpt:

Eg skimta eit egg det har pippa hull i :) 
No turte eg ikkje ta ho av egga så ho får mat og drikke på senga.

Dag 16 
Eg har lyst igjen og det er 8 egg som har tydelig utvikling og bevegelse. 4 i inkubatoren og 4 under høna. Men eg er litt usikker på eit av dei under høna som kanskje ikkje er så utvikla....mulig det har stoppa. Eg får sjekke grundig om eit par dager. ( dag 18 er det nedstenging av rugamaskina for då er det siste fase og dei skal klekke på dag 21)
Eg kan sjå i inkubatoren at egga ligg og rister litt på seg.....utrulig artig. Det er berre ei skjelving men ganske så synlig. Ikkje rart at høna blir ivrig siste fase og begynner å klukke litt til dei :)

I dag er det dag 10.
På tide å sjekke igjen at ingen egg er døde og ligg og forgifter dei som det er liv i. Det resulterte i å plukke ut endå eit frå inkubatoren og eit par under høna. No ser det ut til at dei ikkje har utvikla seg  då det berre var lysegul gugge inni der. Eg sjekker sjølvsagt nøye då mi nysgjerrigheit er stor :P Eit av egga hadde faktisk ei svak men uggen lukt....usj. Kanskje det har vore utsatt for bakterier.
Når et egg ikkje viser noke tegn til vekst (at der er rester av blod/blodårer) kan det vere alle desse grunnane til at det ikkje blir noke:

• Avlsflokken: ubefrukta pga hane eller høne, mangel på rett næring, sjukdom eller genetisk unormalitet.
• Bakteriell infeksjon: skitne egg, sprekk i egg, vaska egg som har mista blommehinna.
• Temperatur: egga har blit for kalde eller varme, var for gamle, feil temperatur i inkubasjonen.
• Feil oppbevaring: for gamle egg eller for lite ventilasjon
• Trauma: bumpa av høner, hender eller transport.

Om egga har hatt utvikling kan det også vere andre ting men også desse samme tinga som nevnt ovanfor.

Alt i alt no så ligg 4 egg under høna og 4 egg i inkubatoren som garantert er liv i :))))
No heier vi dei fram og håper at dei alle 8 klekker ut til å bli kyllinger!

I dag bytta eg egga som Hettie har låge på med dei som er befrukta som kom i posten i går.
16 stk kom, 1 (bf) var ein brist på og 15 andre var heile og  fine og godt pakka i spon og kartong .
Egga rensa eg så i Brinsea sitt rensemiddel og satte dei med bunnen/luftlomma opp for stabilisering i 24 timer etter reisa. Eg renser alltid sjølv om egga var ganske fine. Vekta var stort sett ok, tre-fire var 4-5 gram under rugeeggvekt men det går nok bra. Her var det no:
3 bielefelder
6 gul/svart orpington
6 porselen/jubilee orpington

OBS: om du tenker skaffe deg rugeegg på finn .no, så er det ein god del fjusk der ute så sørg for at du har fått rett rase OG reinrasa om det er det du vil ha. Då skal også eggvekt vere det som er kalla minstevekt på rugeegg for den rasen du har valgt og dei skal vere uvaska men så rein som mulig. Det kan gå med små avvik men det skal vere så nærme som mulig for at kyllingen skal ha plass å snu seg og kome ut av egget når den er fullt utvikla. Eg var ganske heldig begge gongane mine men eg hadde undersøkt ein del i forkant før eg bestilte. ( I det siste har eg har lært frå andre at det er mange som sel rugeegg som ikkje nødvendigvis er kvalitetsegg så undersøk nøye)

No er 7 egg  lagt i Brinsea Mini Eco Incubator/rugemaskin og 8 egg under Hettie.
​Byttinga kan du sjå i videoen under her:

Då har eg kjøpt befrukta rugeegg av gul/ svartranda orpington, porselen orpington og nokre bielefelder :)
Kryss fingrane for at postgangen går forsiktig men raskt frå sør til nord.
Hettie ligg pal enda på sine tomme egg og eg har i tillegg rigga meg til med ei ekstra lita rugemaskin i tilfelle mange av egga ikkje blir utvikla slik dei skal. Mykje kan skje i postgang og egg kan jo også vere ubefrukta. Sannsynlig blir det halvparten haner så vi satser på at 16 egg totalt kan bli passe å prøve på. 9 til Hettie og 7 til våre lille Brinsea Mini Eco rugemaskin. Målet til slutt er 4 høner. 
​Sist vi prøvde blei 24 egg (frå 2 forskjellige) til 4 haner og 6 høner.

I 2023 er hønene våre 2 år.
Dei kjem til å legge mindre egg frå ca 3 års alder så derfor vil eg utvide flokken bittelitt. Planen er å la ei eller to bli klukk når det vårast ute slik at ho kan ruge ut egg og ta på seg all barneoppdragelse og beskyttelse sjølv. Som dokke veit å gjorde vi alt dette sjølv i 2021 på hobbyrommet.... Å ta seg av kyllinger er koselig men litt arbeid og masse STØV!
Eg kjem til å kjøpe meg befrukta rugegg for å legge under høna når ho blir klukk. Blir ho ikkje klukk av seg sjølv vil eg oppfordre ho til  å bli det ved å la (kunstige) egg ligge att i rugekassa så ho lettare blir trigga til det.

Å la hønene oppdra kyllinger sjølv gir mange fordeler:

• høna gir dei varme
• viser dei kor mat og drikke er
• lærer dei å grafse, finne mat, støvbade osb
• beskytter dei
• sosialiserer dei ovanfor andre