Høner på vinteren

No har vi 6 unghøner og dei skal få bu her så lenge dei vil. Dei har 3 kvm isolert hus med litt varme i no som det er på det kaldaste vi har her på sunnmøre om vinteren. Det vil sei dei har 10 - 14 grader inne og det er - 6 grader ute i dag. Dei foretrekke å vere ute i gården sin heile dagane så lenge det er dagslys uansett temperatur. Utegården er mest dekka av pleksiglas på alle sider slik at den er lun  og grei. Dei liker også å vere under huset, der er det en del sandjord og dei lager seg sandbad i tørraste kråa. Taket er pleksiplater slik at lyset slepp inn. Det er viktig at sola får komme til for å tørke godt opp der inne når den kan det. Nokre gonger om dagen lusker dei seg inn for å ete litt. No på vinteren går luka opp kl 8:30 (1 time seinare om helgene) og att kl 16 men dei er inne kl 15 når det begynner å bli mørkt. Tidspunktet justerer vi med årstidene. Om natta har dei eit svakt raudt nattlys beregna på høner.

​Etter at snøen kom har dei knapt vore ute. Vi åpner uteluka mesteparten av dagen til vanlig men så langt som dette var det eg fekk dei ut i dag....hehe.

​Nei snø liker dei ikkje å gå på. Då liker dei bedre sand-mold-løv-blad-bark-høy-blandinga inne i gården. Der strør eg av og til litt godt så dei grafser etter dagen lang.

​
Tuuuppa tuppa tuppa tuppa!

Eg trur det er viktig at høner får tilvenne seg vinteren  slik at dei liker å gå ut. Det er jo litt trist å sitte inne i 3 kvm heile dagane. Her får dei vere ute i gården og hagen om dei vil. Dei får også ting å gjere på som grafse, leite, sandbade og pirke og pekke. Samt litt utfordringer med ting som heng i taket og godbiter som dei kan finne på uvanlige plasser :)
​Gler meg til egga kjem.....