Søta er klukk - Kyllingprosjekt -24

Søta har altså lagt seg klukk og i dag er femte dagen ho ligg pal. Det var berre ein ting å gjere, nemlig å kaste seg rundt og få tak i befrukta egg så eg kunne legge under ho. 

​

Rugeegg dag 1

Bilde lånt frå Wikipedia av ei amrock høne med kyllinger

Eg trudde jo det var Hettie som skulle legge seg klukk men nei ho har tatt pause frå dette mammalivet tydeligvis. Brått var det Søta som låg ein heil kveld og natt inne i rugekassa på dei kunstige egga eg la der. Men neste dag spratt ho opp og var like blid. Falsk alarm tenkte eg... Det kunne jo vere at sidan ho er så ung og fersk i dette gamet at det kunne gå gale. Men no har ho altså lagt seg til igjen og no ligg ho der med ulmt mammablikk og kakker meg på fingeren om eg prøver å nærme meg. Så blæs ho fjøra opp og hylefreser litt advarande på meg om eg ikkje forsvinn. Ho ligg som i transe og har nok tenkt å ligge der. I går kasta ho faktisk ut det store tre-egget frå kassa....jommen trur eg ikkje at ho avslørte at det er falskt!
I kveld la eg inn eit av dei befrukta rugeegga og i morga får eg sjå om det ligg der fortsatt. Om alt går bra får ho 3 egg amrock til som no ligg i rugemaskina og blir varme og gode. 
Eg har kjøpt 4 amrockegg og 4 blandingsegg. Amrock er litt seine å klekke så dei får ein tjuvstart på ein dag. Så i morga legg eg inn i maskina dei 4 siste som er blandingsegg av Maran/Amrock/Cream Legbar og Welsumer blandt anna.

Søta med kamera så eg kan følge med på ho ;)

Bilder av egga eg har kjøpt: