Blog Archives - * Unnis Sjarmhage *

* Unnis Sjarmhage *

Bli med ut å hente egg!

30/12/2021

Dyre egg?

29/12/2021

Eg har skaffa meg ein slik app som heiter "Count your eggs". Der kan man legge inn utgifter og "inntekter" som man har på egga sine. Og så legg man inn egg i kalenderen og ev kem som legg dei. Appen regner så ut kva egga koster....
No har vi endelig komt under 2000kr pr egg, hihihi
Neida, kem teller vel penger når ein koser seg med hobbyen sin?
Ikkje meg :)

Ny rekord! 3 egg på ein dag!

28/12/2021

I dag var det veldig til aktivitet inne i hønsehuset. Lettie (den lyse Maransbl.) og Gloria (orp nr 3) har gått inn og ut i huset sidan Goldie la sitt "store" rosa egg på 47 gram i rugekassa. Det tok heile dagen og så låg det plutselig eit egg ved døra inne som tydelig var Gloria sitt lille brunrosa på 36 gram. Og så la Lettie overraskande sitt ute i gården som lyste sjokoladeraudbrunt mot oss i halmen :D

God jul alle hage-høne-glade :)

23/12/2021

Endelig havna egget der det skal -i rugekassa!

21/12/2021

Litt vintersalat i drivhuset uten varme

21/12/2021

gror sakte.... i ei bøtte med gammal pottejord og bokashi nedi :)

Gulerøtter til jul!

20/12/2021

Dette er nest siste neve av gulerøttene eg venta såååå lenge på. Trudde aldri dei skulle bli noke av men jevnt og trutt har dei blitt større Har berre høsta nokre innimellom i haust og sidan dei var så små har eg berre latt dei stå. No var det visst litt mat i dei alikevel. Eg og hundane gnafsa dei ti oss og dei var GODE!!!
Dei har stått i en bakke på utsida av drivhuset halve året. Eg fann også siste klumpen av en pastinakk, heldige meg.

Det er så utrulig spennandes å hente egg...

20/12/2021

Er der eit egg i dag?

Kor ligg det i dag?

Dei første egga har låge 4 forskjellige plasser, ha ha ha.
Slik er det ofte med ferske eggleggarar....dei har ikkje heilt tekken ;)
Men no har eg lagt nokre egg (og ein pingpongball) i rugekassene så no håper eg at dei tek hintet om kor dei bør leggast ;)

Eg har allereie sådd...

16/12/2021

Denne veka har eg sådd Petuniafrø, Blodbegerfrø, Pottetomatfrø og litt spinat/ruccola/asiasalat.
Så no ser vi rosa plantelys frå loftsvindauget sammen med julestjerna O:)

Nokre dagbokbilder

16/12/2021

Halm og løv i gården liker dei godt å grave i.

Inn for litt snacks....Dottie og Lettie

Gulla har lagt sitt første egg :)

15/12/2021

Eit litt lysare og mindre egg kom i dag på 44 gram. Gulla har altså lagt sitt første. Ja det trur eg ganske sikkert fordi ho la seg ned for meg i dag pluss at kammen og hakelappen var plutselig heilt raud ;) Det gjorde forsåvidt også Lettie og då venter eg eit mørkt egg innan nokre få dager :)))
Goldie har lagt eitt egg nesten kvar dag og ho har komt opp i 49 gram no på sine. (6 egg på 9 dager)

Hettie - 5 mnd blå kobber marans

11/12/2021

Hettie er ein av mine to Marans som er ei fransk landhønerase som legg mørkaste brune egg som finst. Ho har ikkje begynt å legge egg enda men det er vel ikkje mange vekene til no. Kanskje til jul? Ho er 5 månader og ei veke gammal no og fargen hennar er blå kobber. Ho er nok den mest beskjedne av mine høner og ikkje alltid først frampå. Men ho vagler trygt og godt mellom Goldie, Dottie og Lettie på øverste rad ;)
Desse to er dei mest flygevillige av mine høner som er ellers ganske landfaste. I dag flaksa dei ein tur over gjerdet som du ser i bakgrunnen her. Dei har gjort det av og til når dei ser kysten er klar og eg er åleine ute i hagen :P Men snøen frista ikkje Hettie noke særlig....ho stod på steinen til eg skyssa ho pent inn igjen. Lettie tok seg ei runde i snøen men såg ikkje vidare imponert ut av dette kalde kvite.

Vask klipp og føn takk!

8/12/2021

Det er ikkje berre berre å ha så fluffy butt altså. Av og til er ein litt uheldig og det kliner seg litt til. Då må vi tobeinte hjelpe til med vask, klipp og føn. Det var ikkje heilt frivillig men desse orpingtonsane altså dei er veldig rolige og fine typer. Her får ho ein liten kattavask og då må ho tørkast også. Det går ikkje an å gå våt ut i kylda på denne tida. Eg trur jommen at ho nytte den siste behandlinga også....det kom litt sånne behagelige klukkelyder då ho fekk seg ein varm føn der bak ;)

Bak bak bak bak bak bak bak bak bak bak BAAAAAAAAAK!

7/12/2021

I dag tidlig så hørte eg det!!!
"Kom og hør" sa eg til Kristian! "Hør! EGGSANGEN!!"
Eg var steike sikker på at no har ho lagt eit egg. Og joda, då eg gjekk ned og såg så låg egg nr 2 klart og skinnande som ein juvel i spona :)
Etterpå sa Kristian "Alt du kan om høner" ...han var skikkelig imponert. "Skulle ønsker eg visste like mykje om høner som du!" (knis)

Det første egget kom på min 50årsdag!

6/12/2021

Kva er oddsen for det? Kanskje eg burde ha tippa i lotto :O
Goldie har fått skikkelig raud farge i kinna den siste veka og som eg skreiv sist så la ho seg ned for meg. Då visste eg at det var straks tid for å legge egg og jammen kom det ikkje på sjølvaste 50årsdagen min!!! Goldie er no 5,5 mnd og la sitt første egg på 40 gram :)